के लेखुँ तिमि संग दाँजेर

कहाँ थियौ तिमि, खोज्दै थिए भुमरीमा
आयौ तिमि सामिप्य, मन्द मुस्कान र्छर्दै मुहारमा ।
दियौ आशा अनि, यौवनमा लठि्ने नशा
सायद म अर्धचेतन थिएँ, नव उमंग छायो जीवनमा ।।

लपेटिए म त्यो मिठो लतले, देख्ने तिमिलाई हरेक पलमा
एकछिन टाढा हुदा तिमि, बल्छ आगो ह्दयमा ।
त्यही आगो चिसिन्छ, आँसु बन्छ नयनमा
सम्हाल्छु म आफैलाई, मिठो मिलनको पर्खाईमा।।

रोशनी हौ तिमि मेरो, मोक्षको बाटो देखाउने
आफू भित्र भित्र जली, मेरो लागि रमाउने ।
ब्रम्हाण्ड हौ तिमि मेरो, सधै बस हाँसेर
तिमि मेरो र्सबस्व हौ, के लेखुँ तिमि संग दाँजेर ।।

उनी मेरी मेरो सम्झनामा

आँखा चिम्म गर्‍यो
केही सम्झन, केही भुलाउन
टुप्लुक्क आउछ हसिलो मुहार
जिस्काउछ, जिस्कन्छ
अतितका क्षण याद दिलाउछ
आँखा खोल्यो र विरत्त जीवन
एक्लो म
अनि उनी मेरी मेरो सम्झनामा ।

छहारीमा बस्यो
शीतल पवन चल्छ
नाक चलाख हुन्छ,
उनैको बास्ना हो कि भनी
त्यो पनि टाढा हुन्छ, नटेरे झै गरी
त्यसलाई समात्न खोज्यो
डाँडा पारी त्यो
एक्लो म
अनि उनी मेरी मेरो सम्झनामा ।।

झ्यालबाट चिहायो
आउँदै छिन् कि उनी भनी
मेरो लागि मखमली बाटो गरी
हेर्दाहेर्दै आँखा धमिलो हुन्छ
आँखा मिच्योफेरि हेर्ने कोशिश गर्‍यो,
पर्खाई छ रित्तै
एक्लो म
अनि उनी मेरी मेरो सम्झनामा ।।।

सिरकभित्र लुटपुटियो
उनको छाँया आउँछ,
कपालको स्पर्श मुहारमा बिझाउँछ,
काउकुती लगाउँछमुसुमुस हाँस्यो,
आँखा खोल्दा क्यानभासमा
एक्लो म
अनि उनी मेरी मेरो सम्झनामा ।।।।